Drejtori i Përgjithshëm i Burgjeve Arjan Hoxha ka folur në lidhje me lejet që kërkojnë të dënuarit për të qenë pjesë e zgjedhjeve të 25 Qershorit. Sipas tij rreth 2 mijë të dënuar janë përjashtuar nga kjo e drejtë.
Po ashtu lejet janë pezulluar që prej datës 5 Qershor në mënyrë që të shmanget implikimi i të dënuarve në procesin zgjedhor.
Sipas Hoxhës rreth 800 mijë të burgosur dhe të paraburgosur nuk kanë as mjetin e identifikimit të nevojshëm për të votuar.
Kujtojmë se ditët e fundit ka pasur një furtunë shkarkimesh në rradhët e Drejtorive të Burgjeve.
“Më shume se dy mije të dënuar janë përjashtuar nga e drejta e votimit për shkak te ligjit të dekriminalizimit. Janë pezulluar lejet shpërblyese dhe të veçanta për të dënuarit që prej datës 5 qershor. Afër 800 të dënuar dhe te paraburgosur nuk kanë karta identiteti ndaj s’mund të votojnë të dielën”- tha Hoxhaj.
(E.K/SHUPLAKA)
