Votimi në Kuvend/ Miratohet Komisioni Hetimor për Tahirin. Rrëzohen amendamentet e opozitës për Kryeprokuroren

Në përfundim të seancës plenare të ditës së sotme në Kuvend, janë miratuar projektligjet e rendit të ditës.

Fax News informon se është miratuar lista prej 11 anëtarësh për Komisionin Hetimor për ish-ministrin e Brendshëm Saimir Tahiri.

Partia Demokratike do të mbajë kryesimin e këtij komisioni, ndërsa Partia Socialiste do të ketë shumicën e anëtarëve. LSI mësohet se do të ketë vetëm një anëtar.

Deputetët socialistë, anëtarë të këtij komisioni do të jenë, Ermonela Felaj, Pjerin Ndreu, Klotilda Ferhati, Paulin Sterkaj, Bashkim Fino dhe Xhemal Qefalia.

Deputetët demokratë në këtë komision do të jenë: Edi Paloka, Enkelejd Alibeaj, Flamur Noka, Myslim Murrizi.

Endrit Braimllari do të jetë deputeti i vetëm nga LSI, pjesë e Komisionit Hetimor për Saimir Tahirin.

Edi Paloka do të jetë kryetar i këtij komisioni.

Nga ana tjetër, shumica ka rrëzuar amendamentet e propozuara nga opozita PD-LSI për Kryeprokurorin.

Opozita kërkoi që kryeprokurorja e përkohshme Arta Marku të shkarkohet dhe të nisë procedura e zgjedhjes së një prokurori të përkohshëm të përgjithshëm sipas këtyre amendamenteve, që të kishte kaluar Vettingun dhe me 3/5.

(E.L/Faxweb)