Disa incidente kanë ndodhur gjatë procesit të votimit, një tjetër rast është shënuar në Korçë, ku anëtari i Komisionit të Qendrës së Votimit nr 3736 në fshatin Barç është arrestuar pasi votoi më shumë se njëherë.
Andimjano Ravolli, 24 vjeç, banues në Korçë akuzohet për veprën penale “Votimi më shumë se një herë ose pa u identifikuar”.
Njoftimi i policisë:
Arrestohet anëtari i Komisionit të Qendrës së Votimit nr 3736 në fshatin Barç për veprën penale : “Votimi më shumë se një herë ose pa u identifikuar”. Nga specialistët e Seksionit për Krimin Ekonomik-Financiar u bë kapja dhe arrestimi në flagrancë i shtetasit : Andimjano Ravolli, 24 vjeç, banues në Korçë. Arrestimi i tij u bë pasi, ky shtetas duke qenë me detyrë anëtar Komisioni në qendrën e votimit nr 3736, në fshatin Barç-Korçë ka votuar dy herë, duke u evidentuar në regjistrin e veçantë të zgjedhësve. Por gjithashtu ka votuar edhe duke u regjistruar në regjistrin e zgjedhësve, në qendrën e votimit me nr 3736/1 të fshatit Barç. Materialet i kaluan Prokurorisë të Rrethit Gjyqësor Korçë për hetime të mëtejshme, neni 327/a i Kodit Penal.
(S.SH/Shuplaka)
Discussion about this post