Voton dhe ish-trajneri i Kombëtares shqiptare Gianni De Biasi

Qendrës së votimit i është drejtuar edhe ish-trajneri i Kombëtares shqiptare të Futbollit, Gianni De Biasi.

Ai është parë këtë paradite teksa i drejtohej një qendre votimi në kryeqytet, ku ka shprehur vullnetin e tij si qytetar i Shqipërisë.

“Kam 5 vite që jetoj në Shqipëri. E njoh shumë mirë dinamikën e këtij vendi. Vazhdoj të mbetem shtetas shqiptar. Isha i qartë me idetë e mia edhe më përpara, lidhur me mënyrën si kam votuar.”, u shpreh ndër të tjera De Biasi.

11 ditë më parë, në një konferencë për shtyp, Gianni De Biasi dha dorèheqjen nga drejtimi i Kombëtares shqiptare. “Nga sot, nuk jam më trajner i kombëtares. Sot, lë drejtimin e kombëtares pa pasur një skuadër tjetër që mund të punoj aktualisht. Po largohem për t’i lënë kohë trajnerit të ri që të njihet me skuadrën gjatë ndeshjeve që kanë mbetur”, shprehej De Biasi.

(XH.A/SHUPLAKA)