Kryetari i Lëvizjes Socialiste për Integrim, Petrit Vasili, ka votuat vetëm pak minuta më parë. Në dalje nga qendra e votimit, ai ka dhënë një deklaratë për mediat, ku është ndaluar tek procesi zgjedhor.
“Sot është dita e çlirimit nga të gjitha pikëpamjet. Besoj shumë që mençuria e një populli të vjetër si yni që gjithmonë ka bërë diferencën mes gjithë të tjerëve do të bëjë diferencën edhe sot për një të ardhme jo vetëm më të ndritur, më të mirë dhe më me shpresë, por dhe krijimin e asaj hapësirë që të gjithë presin, në mënyrë të veçantë të rinjtë e Shqipërisë. Uroj dhe shpresoj të jetë një proçes i qetë, të kemi maturinë e duhur. Shpresoj të kemi një proçes të mençur dhe një votim të mençur.”, është shprehur ai.
Përpara se të ndalej tek zgjedhjet, kryetari i LSI-së uroi besimtarët myslimanë për Fiter Bajramin: Të gjithë besimtarëve myslimanë u uroj gëzuar Fiter Bajramin! Paqe, dashuri dhe harmoni për të gjithë shqiptarët!
(XH.A/SHUPLAKA)
