“Vox Populi është Vox Dei”, ja çfarë nënkupton ish-deputeti për protestat e opozitës

Ish deputeti i PD-së, Tritan Shehu ka reaguar mbrëmjen e sotme në rrjetin social Facebook për triumfin e protestave popullore algjeriane, reagim ky i cili përsa i përket retorikës së përdorur, dukej se në thelb kishte ngerçin politik të krijuar në Shqipëri me dorëzimin e mandateve parlamentare dhe protestave të opozitës kundër qeverisë.

Nisur nga kjo situate politike në vend me protestat e opozitës kundër  “Qeverisë së krimit, drogës dhe kapjes së institucioneve, të drejtësisë apo parlamentit”, ashtu sikurse ajo shpesh shprehet, duket sikur përmes këtij sintetizimi me triumfin e protestave popullore  algjeriane,  Shehu në mënyrë indirekte,  kërkon të  përligji protestat e opozitës kundër kryeministrit Rama, duke theksuar kështu domosdoshmërinë e tyre, si vullnet i popullit.

Siç thotë ai: “… në fund te fundit te gjthe duhet ta kuptojne se Vox Populi eshte Vox Dei.”

Presidenti Bouteflica, u tërhoq nga kërkesa e tij për rikantidim për të pestin mandat radhazi pas 20 vitesh qeverisje, pas protestave mbarë popullore të qytetarëve algjerianë.

Postimi i plotë:

“Protestat në Algjeri funksionuan, Presidenti autokrat Bouteflika “dorezohet”.”Do te largohet nga posti i tij, per t’i hapur rruge ndryshimit. Veçse ishin masive dhe zgjaten disa dite rresht. Por ne fund te fundit te gjthe duhet ta kuptojne se Vox Populi eshte Vox Dei.”