Një francez i kërkuar për dy dekada për vrasjen e një biznesmeni britanik është arrestuar në Abidjan, thanë prokurorët të enjten, pasi qendroi për shumë vite me radhë në arrati.
Jean-Claude Lacote, 53 vjeç dhe gruaja e tij Hilde Van Acker, 56 vjeç, u dënuan me burgim të përjetshëm në mungesë të tyre për vrasjen e biznesmenit Marcus Mitchell, i cili u qëllua dy herë në kokë në Belgjikë në 1996.
Dyshja, të listuar në listën më të kërkuar të Europol, ikën nga Belgjika pas vrasjes dhe po rishfaqen dy dekada më vonë në kryeqytetin tregtar të Bregut të Fildishtë.
“Të dy u arrestuan në Abidjan. Z. Lacote natën e së mërkurës dhe zonja Van Acker të enjten në mëngjes,” i tha AFP zëdhënësi i prokurorëve të Brukselit, Celine D’Have.
Prokurorët belgë do të kërkojnë që çifti të ekstradohet nga Bregu i Fildishtë.
Pasi iku nga Evropa, fillimisht në Brazil, Lacote zbarkoi në Afrikën e Jugut, ku nisi një karrierë televizive, duke lançuar dhjetë episodet e një programi që lidhej me krimin “Duty Calls”. Programi nxori në pah mënyrën se si policia “trajtonte kriminelë të dhunshëm dhe skena të rrezikshme krimi”.
Pasi e gjeti veten në burg duke pritur gjykimin për një seri mashtrimesh, Lacote mundi që të arratisej në sajë të të dashurës së tij Van Acker e cila i dorëzoi policisë dokumente të rreme, duke bërë që një prej kriminelëve më të rrezikshëm të shijonte edhe për disa vite lirinë e tij.
(E.K/Faxweb.al)
Discussion about this post