Vranë në Milano dy kushërinjtë Lleshaj, arrestohen 5 shtetas shqiptarë

Pesë shtetas shqiptarë janë vënë në prangat e policisë italiane nën akuzën e një vrasje të 2-fishtë të shënuar në Nëntor të 2016-ës.

Bëhet fjalë për vrasjen e dy shtetasve shqiptarë, kushërinj mes tyre, Agron dhe Alban Lleshaj, më 10 nëntor 2016 në komunën italiane Canegrate, pjesë e provincës së Milanos.

Të arrestuarit mësohet se janë të moshave 25-39 vjeç, por identitetet e tyre nuk janë bërë ende të ditura. Tre prej atyre që janë vënë në pranga janë vëllezër.

Trupat e pajetë të kushërinjve Lleshaj u gjendën brenda një makine të përmbysur e të mbushur me plumba. Atentati ndaj tyre mendohet të ketë pasur si shkak konfliktin për kontrollin e territorit nga grupe kriminale që operojnë në trafikun e drogës. 

(XH.A/SHUPLAKA)