Vranësira dhe shira të izoluar, si do të jetë moti për sot

Moti sot do të jetë me alternime kthjellimesh dhe vranësira të lehta dominojnë në vend. Sipas meteoalb më të dendura vranësirat paraqiten në zonat malore duke rrezikuar shira të izoluar.

Pasditja dhe orët e mbrëmjes dominohen nga alternime kthjellimesh dhe vranësirash të shpeshta në Ultësirën Perëndimore por vranësirat mbeten më të dukshme në juglindje.

Temperaturat e ajrit do të rriten lehtë në vlerat e mëngjesit por dhe në mesditë duke bërë që vlerat ditore të luhaten nga 7°C deri në 25°C.

Era do të fryjë mesatare në tokë deri e fortë në det, me shpejtësi 40  km/h nga drejtimi jugore-juglindor duke krijuar në det dallgëzim 4 ballë.