Opozita e bashkuar do të mbajë sot protestën e 9-të Kombëtare, që sipas Belind Këlliçit do të jerë më e madhja, dhe më paqësorja se kurrë më parë. I ftuar në studion e lajmeve të Fax News, Këlliçi u shpreh se skenaret që flasin për dhunë nxiten nga qeveria, dhe kërkojnë që të provokojnë qytetarët.
“Nuk do të ketë asnjë skenar dhune, shumë drejtues të PD do të jenë në protestë së bashku me familjarët e tyre, asnjë protestë e jona nuk ka pasur si qëllim dhunën. Jemi e vetmja forcë properëndimore në kërë vend, ne Europën dhe perëndimin e kemi në bindjen tonë politike, do të ketë të rinj në vijën përballë policisë, me shirita të bardhë, që ne japim mesazhin për qytetarët që nuk e duam dhunën”, tha kreu i FRPD.
Ndërkohë që Këlliçi komentoi dhe deklaratat e ambasadave për të shmangur dhunën, duke thënë se ato janë krejt normale.
“Thirrjet për të shmangur dhunën i konsideroj normale, jo normale është që të mos reagosh pas përgjimeve të publikuara nga Bild. Nëse ka zgjedhje në 30 Qershor përplasja do të ishte e pashmangshme, dhe unë do të uroja që për të mirën e shqiptarëve kjo të mos të ndodhte.
Ajo që po ndodh është një skenar i paimagjinueshëm, e vetmja gjë që po bëjnë bashkitë e djathta është mbrojtja e dekretit të presidenti dhe Kushtetutës. Në ditët në vijim mund të ketë dhe një datë të dytë për zgjedhjet, po kjo nuk ka rëndësi sa kushtet e palëve nuk janë të barabarta. E gjithë beteja po bëhet për të pasur një garë reale.
Ne kerkojmë që Edi Rama të mos jetë më menaxhues i zgjedhjeve, pasi ai ka treguar se di vetëm t’i vjedhë ato. Do të jetë një protestë masive, dhe do të ketë më shumë të rinj, bashkë me familjarët e tyre, për tiu bashkuar kësaj kauze që nuk i shërben vetëm PD-së pot ë gjithë shquptarëve. Qytetarëve iu kërkojmë që të shmangin çdolloj provokimi nga ana e policisë”, u shpreh Këlliçi.
(E.K/Faxweb.al)
Discussion about this post