Të tjera detaje dalin nga vrasja brenda lokalit në Lushnje me viktimë një 42 vjeçar. Viktima kishte qenë i dënuar me 11 vite burg për shfrytëzim prostitucioni dhe ishte liruar në muajin mars të këtij viti.
Viktima është Judmir Llupo 42 vjeç, nga Goricaj. Sipas policisë viktima ka qënë në lokalin e Toromanit duke konsumuar alkool ku në një moment ai ka nisur të debatojë me Petrit Toromanin.
Sipas burimeve të policisë dhe dëshmitarëve shkak i zënkës ka qenë ngacmimi që i ka bërë bashkëshortes së Toromanit viktima aq sa më pas ka tentuar ta kap në sy të klientëve të tjerë të lokalit.
Në këtë moment Petrit Toromani është ngjitur në shtëpi të cilën e kishte mbi lokal dhe ka marrë një armë gjahu dhe ka nisur të qëllojë nga jashtë lokalit mbi Judmir Llupon duke i shkaktuar atij plagë të rënda në trup.
Ai është transportuar menjëherë drejt spitalit të Lushnjes por ka ndërruar jetë rrugës.Policia e cila u njoftua pas ngjarjes mbërriti në vendgjarje ku është bërë dhe ndalimin e autorit si dhe shoqëroi të gjithë të pranishmit në lokal për ta zbardhur të plote ngjarjen. Sipas policisë viktima njihej si person i alkolizuar.
(E.K/FAXWEB)
Discussion about this post