Ditën e djeshme një ngjarje e rëndë ndodhi në Dibër, ku mbeti i vrarë me armë zjarri një efektiv policie. Ardian Roçi 50 vjeç u qëllua nga kolegu i tij, Naim Musliu 53 vjeç.
Viktima ishte me detyrë specialist i IT (punonjës civil në Drejtorinë Vendore të Policisë Dibër). Paraprakisht, bazuar edhe në dëshminë e dhënë nga autori, i cili është vetë- dorëzuar te kolegët e tij, dyshohet se ngjarja ka ndodhur pas një konflikti të çastit ndërmjet tyre. Grupi hetimor nuk përjashton as mundësinë që ata të kenë qenë të dehur. Autori dhe viktima kanë qenë miq të ngushtë mes tyre.
Dy plumba pas qafe, njëri prej të cilëve e ka përshkuar edhe në gjoks, e kanë lënë të plagosur rëndë 51-vjeçarin. Duke parë gjendjen e tij, Naim Muliu, i cili është me detyrë ndihmësspecialist në Seksionin e Teknologjisë dhe Përgjimit në Drejtorinë Vendore të Policisë Dibër, ka marrë rrugën menjëherë drejt spitalit të Peshkopisë. Atij i janë dashur rreth 30 minuta për ta dërguar të plagosurin në spital, ndërsa gjatë rrugës ka sinjalizuar edhe kolegët e tij për atë që kishte ndodhur. Në dëshminë e tij autori është shpehur i penduar në lidhje me atë ç’ka ndodhur.
Sipas njoftimit zyrtar, rreth orës 19:10, Naim Muliu, 55 vjeç, banues në Peshkopi, punonjës policie, me detyrë Ndihmës Specialist në Seksionin e Teknologjisë dhe Përgjimit në Drejtorinë Vendore të Policisë Dibër, duke u kthyer me mjetin e policisë nga një shërbim pune nga Maqellara për në Peshkopi, me shtetasin A.R., me detyrë Specialist i IT, (punonjës civil në Drejtorinë Vendore të Policisë Dibër), dyshohet se pas një konflikti të çastit e ka plagosur me pistoletë këtë të fundit.
REAGIMI I POLICISË
DIBER- Më datë 21.12.2017, rreth orës 19:10, policia u njoftua se është dërguar në spital për të marrë ndihmë mjekësore një shtetas i plagosur me armë zjarri. Menjëherë është ngritur grupi hetimor dhe nga verifikimet paraprake ka rezultuar se:
Shtetasi Naim Muliu, 55 vjeç, banues në Peshkopi, punonjës policie, me detyrë Ndihmës Specialist në Seksionin e Teknologjisë dhe Përgjimit në Drejtorine Vendore të Policisë Dibër, duke u kthyer me mjetin e policisë nga një shërbim pune nga Maqellara për në Peshkopi, me shtetasin A.R., me detyrë Specialist i IT, (punonjës civil në Drejtorinë Vendore të Policisë Dibër), dyshohet se pas një konflikti të çastit e ka plagosur me pistoletë këtë të fundit.
I dëmtuari ndodhet në gjëndje të rëndë për jetën në Spitalin e Peshkopisë. Një helikopter i Ministrisë së Mbrojties është nisur për ta percjellë drejt Tiranës për ndihmë më të specializuar. Autori i dyshuar është arrestuar për veprën penale “Plagosje e rëndë me dashje”. Grupi hetimor vijon hetimet për zbardhjen e plotë të rrethanave të kësaj ngjarje. Në drejtim të Dibrës është nisur menjëherë Zvdrejtori i Përgjithshëm i Policisë së Shtetit së bashku me një grup specialistësh.
(E.K/FAXWEB)
