Gjykimi për rastin e vrasjes së Vanja Gjorçevskës dhe Pançe Zhezhovskit po vazhdon sot në Gjykatën Themelore Penale në Shkup. Në seancën e fundit, u përmbyll faza e marrjes së dëshmive dhe u kalua në shqyrtimin e provave shtesë.
Prokuroria paraqiti materiale të reja, përfshirë pamje nga kamerat e sigurisë pranë shtëpisë së Velibor Manev, të cilat sipas saj, tregojnë se të akuzuarit kanë planifikuar paraprakisht krimin, duke mos pasur për qëllim vetëm rrëmbimin e Vanjës, raporton Alsat M.
