Deputeti socialist Erion Braçe, njëherësh edhe kryetar i Komisionit të Dezinformimit, ka ngritur shqetësimet e tij gjatë një deklarate për media, për mungesën e legjislacionit për të luftuar këtë fenomen. Braçe tha se nuk ka një instrument që adreson problematikën.
Informaliteti i brendshëm, shtoi ai, është problem, teksa e lidhi me vrasjen e 14-vjeçarit Martin Cani në Tiranë, ku u shpreh se është “rast model dezinformimi me qëllim të qartë politik”.
“Dezinformimi ka qenë i qartë në raport me SPAK, BKH dhe atakun e drejtpërdrejtë apo përfshirjen në ngjarje të këtyre institucioneve”, tha deputeti.
“Edhe nga materiali që pashë sot nga institucionet e drejtësisë, duket që ka një mungesë të qartë të legjislacionit që krijon mundësi për ndërhyrje të kohë pas kohëshme
Informaliteti krijon një problem shumë të madh, veçanërisht në adresa individësh dhe në internet. Shumë e vështirë për të gjithë institucionet për të identifikuar se kush është pas këtyre portaleve, që kanë origjinë Rusinë dhe vendet e tjera keqdashëse.
Nuk ka një instrument që ta adresojë këtë problematikë.
Problem shumë i madh mbetet deziformimi i brendshëm. Dhe ngjarja e fundit tragjike e ndodhur pranë një shkolle në Tiranë, ka sjellë në vëmendje këtë gjë. Policia e Shtetit, Ministria e Brendshme dhe Prokuroria po bëjnë çfarë është e mundur për ta zbardhur këtë çështje. I kemi kërkuar policisë së shtetit të hetojë një rast model të dezinformimit me qëllim të qartë politik që vazhdon. Ngjarje e përsëritur, pas asaj në Pogradec. Nuk dua të hyj në detaje sepse nuk dua të cenoj hetimin.
Dezinformimi ka qenë i qartë në raport me SPAK, BKH dhe atakun e drejtpërdrejtë apo përfshirjen në ngjarje të këtyre institucioneve”, tha Braçe.
Discussion about this post