Babai i Pavllo Mihali, 22-vjeçarit Marvi Mihali, i cili u vra për një karikues ka depozituar kallëzim penal për prokurorin Artan Lulaj dhe oficerin e Policisë Gjyqësore, Kliton Zharri.
Pavllo Mihali kërkon nisjen e procedimit penal për 2 gjyqtarë, 2 oficerë të Policisë Gjyqësore dhe një prokuror.
Babai i të riut kërkon nisjen e procedimit penal për gjyqtarët e Gjykatës së Tiranës, Bedri Qori dhe Sokol Pasho
Para pak ditësh Gjykata e Tiranës me kërkesë të prokurorit të çështjes ka vendosur të zëvedësojë masën e sigurisë për tre të rinjtë, që kanë qënë të pranishëm në vrasjen e 22-vjeçarit Marvin Mihali, fëmijës së vetëm të familes Mihali. Vendimi për lirimin nga qelia e Dejvi Bitraj, Kridens Alla dhe Marsel Alla, është marrë pak ditë më parë, pasi tre të rinjtë akuzoheshin për “Moskallëzim krimi”.
I vetmi person që po qëndron në qeli është Eugen Bitraj, i cili sipas prokurorisë së Tiranës rezulton të jetë njeriu i vetëm që ka qëlluar me thikë në zemër Marvin Mihalin.
Lirimi i tre të rinjve që akuzohen për “Moskallëzim krimi” është pritur me shumë pakënaqësi tek familjarët e viktimës, të cilët janë duke e ndjekur hap pas hapi këtë çështje, e cila tashmë ndodhet në process gjykimi.
Marvi Mihali u godit me thikë korrikun e vitit të shkuar dhe ndërroi jetë për shkak të plagëve të marra.
(M.Q/Faxweb)
