Ministri i drejtësisë në Maqedoni, Bilent Saliji, është dorëhequr nga posti i tij drejtues. Lajmin e njoftoi në një konferencë të organizuar në Qeverinë e Maqedonisë.
Ministri Saliji ka theksuar se dorëheqja e tij është akt moral dhe vjen pas rikualifikimit të lëndës lidhur me rastin e fëmijës Almir Aliut, nga vrasje me paramendim në aksident trafiku me pasojë vdekjen, me ç’rast la të lirë Boban Iliq, të akuzuar për vrasje, raporton Alsat M.
Ministri Saliji theksoi se ky akt lëkundi përkushtimet për reforma në gjyqësor. Ai tha se nga marrja e detyrës deri tani ka arritur që të fokusohet dhe realizojë pikat kryesore të agjendës për reforma dhe se puna e gjyqësorit është reflektuar pozitivisht në rastin Sopoti dhe Monstra.
4-vjeçari Almir Aliu u përplas me makinë nga maqedonasi Boban Iliçi në Kumanovë pas një konflikt me familjarë të vogëlushit. Prokuroria maqedonase ndryshoi akuzën nga vrasje me dashje dhe e cilëson veprën si aksidentale duke e akuzuar atë për “aksident me pasojë vdekjen”, një akuzë më e zbutur nga e mëparshmja.
(M.Q/Faxweb)
Discussion about this post