Policia e Tiranës ka arrestuar dashamir Xhepën, të dyshuar kryesor për vrasjen e 48-Vjeçares Lirie Xhepa pak javë më parë në zonën e Sharrës në Tiranë.(Lexo këtu)
Shërbimet e Policisë Tiranë, pas identifikimit të autorit të dyshuar të vrasjes së shtetases L. Xh., janë vënë në ndjekje intensive të tij. Në sajë të informacioneve të marra në rrugë operative shërbimet e Policisë lokalizuan vendodhjen e autorit të dyshuar, shtetasit D. Xh., dhe bënë kapjen dhe arrestimin e tij në qytetin e Peshkopisë ku dhe strehoej.
Mësohet se Xhepa ka pasur problem me familjarët e bashkëshortit të saj, i cili tashmë nuk jeton më, ku dyshohej për një konflikt me saj dhe kunatit Dashamir Xhepa.
Në trupin e viktimës u konstatuan plagë të shumta, që ishin shkaktuar nga tre plumba si dhe sende të forta. Dyshohet se 49-vjeçarja është vrarë në një vend tjetër, dhe më pas është hedhur në mjedisin kodrinor, pranë zonës ku banonte.
Njoftimi i policisë
Kapet dhe arrestohet autori i dyshuar i vrasjes së shtetases L. Xh., ngjarje e ndodhur më 13 shkurt 2019, pranë kodrave të liqenit të Sharrës.
Në pranga dhe një tjetër shtetas për “Përkrahje të autorit të krimit”.
Shërbimet e Policisë Tiranë, pas identifikimit të autorit të dyshuar të vrasjes së shtetases L. Xh., janë vënë në ndjekje intensive të tij. Në sajë të informacioneve të marra në rrugë operative shërbimet e Policisë lokalizuan vendodhjen e autorit të dyshuar, shtetasit D. Xh., dhe bënë kapjen dhe arrestimin e tij në qytetin e Peshkopisë ku dhe strehoej.
Gjithashtu u arrestua dhe shtetasi M. S., për “Përkrahje të autorit të krimit”, i cili ka ndihmuar dhe strehuar autorin e dyshuar.
Materialet i kaluan Prokurorisë së Rrethit Gjyqësor Tiranë, për veprat penale “Vrasje për shkak të marrëdhënieve familjare”, “Armëmbajtje pa leje”, në ngarkim të shtetasit D. Xh., dhe për veprën penale “Përkrahje e autorit të krimit”, në ngarkim të shtetasit M. S.
(M.Q/Faxweb.al)
Discussion about this post