Për vrasjen e Aleksandër Ndokës në qytetin e Lezhës gazetari i kronikës në ‘’Fax News” Ermal Vija ka publikuar informacione të reja. Sipas tij vrasja nuk është bërë në orën 4 të mëngjesit po disa orë më herët.
Po ashtu ai thotë se vrasja është bërë në qendër të qytetit, dhe jo pranë banesës së tij, ndërsa makina është gjetur nga një partullë Policie.
“Bëhet fjalë që ngjarja të ketë ndodhur më herët, mendohet që të jetë ekzekutuar në qendër të qytetit. Mendohet se ekzekutimi është kryer në qendër të qytetit të Lezhës.
Mendohet se kanë qenë më shumë se dy persona. Unë e thashë që në fillim që trupi i vitimës është gjetur rreth orës 4 të mëngjesit. Në komisariat janë shoqëruar vetëm persona që mund të kenë pasur konflikt me Ndokën.
Mund të them që mënyra sesi ka ndodhur ngjarja flet për një vrasje të paramenduar, është bërë pritë ndaj tij dhe më pas janë larguar nga vendngjarja. Makina është gjetur nga një partullë policie”, u shpreh gazetari.
Kujtojmë se Policia nuk ka dhënë asnjë detaj tjetër derimë tani, përveç informacionit paraprak në orët e para të mëngjesit të sotëm.
DETAJET E POLICISË:
Vritet me arme zjarri vellai i ish deputetit Arben Ndokes. Banues ne Lagjen “Nënë Tereza”.
Shërbimet e Policisë kanë shkuar menjëherë në Lagjen “Nënë Tereza”, ku kanë konstatuar se në mjetin tip “Mitsubish”, me traga AA 382 SE, ndodhej trupi i pajetë i shtetasit A. N, 48 vjeç, banues në lagjen “Nënë Tereza” Lezhë, i vrare me arme zjarri nga persona akoma të paidentifikuar.
Grupi hetimor nën drejtimin e Prokurorit ndodhet në vendin e ngjarjes ku po vazhdojnë hetimet për zbardhjen e plotë të ngjarjes.
Janë ngritur pika kontrolli si dhe po bëhet krehja e zonës me qëllim kapjen e autorëve.
Në mbështetje të veprimeve që po kryhen nga D.V.P. Lezhë për kapjen e autorëve, janë dërguar edhe dy grupe të F.N.SH. Shkodër .
(E.K/FAXWEB)
Discussion about this post