Detaje të reja janë zbuluar nga vrasja e ambasadorit grek në Brazil, trupi i të cilit u gjet para dy ditësh në një makinë të djegur në Rio de Janerio.
Sipas policisë braziliane, ambasadori është vrarë fill pasi ka gjetur gruan në shtrat me një tjetër.
Mirror shkruan se vrasja e ambasadorit Kyriakos Amiridis, me shumë mundësi është një krim pasioni pasi dyshohet se një oficer policie ka pasur një lidhje me bashkëshorten e tij braziliane.
Oficeri i policisë i cili është arrestuar, mësohet t’u ketë thënë kolegëve se vrasja është kryer me porosi të bashkëshortes.
Ndërkohë policia ka zbuluar disa njolla gjaku që i përkisnin ambasadorit, në shtëpinë e gruas së tij. Për këtë arsye, dyshohet se ai është vrarë paraprakisht në shtëpi dhe më pas është hedhur bashkë me makinën në humnerë. Dyshohet se gruaja dhe i dashuri i saj e kanë kryer në bashkëpunim me njëriu-tjetrin këtë krim.
Megjithatë në polici, gruaja e quajtur Francoise Amiridis, tha se mbrëmjen e së hënës kishte dalë për të bërë pazarin dhe i shoqi e kishte marrë në telefon në orën 8 të darkës për t’i thënë se po dilte, por nuk ishte kthyer më në shtëpi. (D.D/Shuplaka)
Discussion about this post