Në mesin e të plagosurve në sulmin me armë zjarri, ku humbi jetën ambasadori rus në Turqi, bën pjesë edhe një shqiptare.
Ky lajm bëhet i ditur nga mediat turke, të cilat raportojnë se Anastas Zimbirikali, Anil Deger dhe Leyla Gundogan janë tre të plagosurit të cilët ndodhen në spital. Kjo e fundit, është shtetase turke por me origjinë shqiptare.
Ambasadori Andrey Karlov, u qëllua me armë zjarri në momentin kur po mbante fjalim gjatë një ekspozite të artit pamor në Turqi. Edhe pse u dërgua në spital, ai nuk arriti dot t’i mbijetonte plagëve.
Autori i krimit Mevlut Mert Altintas, është një ish-polic iu cili u shkarkua nga detyra pas tentativës për grusht shteti. Ai u ekzekutua nga policia, menjëherë pas atentatit. (D.D/Shuplaka)
