Policia turke ka arrestuar gjashtë persona pas ekzekutimit të ambasadorit rus Andrey karlov në Turqi. Të gjashtë personat janë vënë në pranga në vijim të hetimeve që kanë nisur pas ekzekutimit të ambasadorit teksa ai po mbante një fjalim në një ekspozitë fotografike.
Ai ishte duke folur kur u qëllua pas shpine nga 22-vjeçari Melvut Mert Aydintas. Autori u vra më pas gjatë një shkëmbimi zjarri me policinë, ndërsa tre të tjerë mbetën të plagosur.
Autoritetet e sigurisë në Turqi bënë me dije për autoritetet vendase se nëna, babai, motra dhe dy të afërm të tjerë të sulmuesit janë duke u mbajtur në provincën perëndomore të Aydin, ndërsa shoku i tij i shtëpisë është vënë nën arrest. (XH.A/SHUPLAKA)
Discussion about this post