Jevgenij Satanovski, orientalisti i njohur dhe kryetari i Institutit Rus për Lindjen e Mesme ka dhënë një varg deklaratash për vrasjen e ambasadorit rus. Në një intervistë të dhënë për prgramin “Dy deri në pesë”, për radion “Vesti” është shprehur se atentatori Mevlut Mert Altuntash ka qënë pjesë e Partisë për Drejtësi dhe Zhvillim në Turqi, e cila e drejton vendin që prej vitit 2002.
“Deklaratat e Turqisë, sidomos ato të kryetarit të bashkisë së Ankarasë, Melih Gokçek, nuk janë veçse përralla për t’ua treguar gjysheve në mbrëmje, sepse fëmijët nuk i besojnë”, është shprehur ai, shkruan një portal online.
Pyetjes se a do të ndikojë ky akt në marrëdhëniet e brishta dhe të saporregulluara disi mes Turqisë dhe Rusisë, specialisti rus për çështjet e Lidhjes së Mesme i është shprehur se për të ky rezulton të jetë një akt i kryer jo nga ana e turqve, por nëse del e kundërta atëherë po, marrëdhëniet ndikohen, madje shumë rëndë” ka thënë ai. Ndërsa një tjetër specialist, turkologu dhe njëherazi drejtori i Qendrës Marrëdhënie Ndërkombëtare dhe Diplomacisë Publike, Vladimir Avatkovi, i intervistuar nga gazeta “Euro Asia Daily”, është shprehur se të thuash se Alltuntashi ishte pjesë e lëvizjes “Gylen” është e palogjikshme.
Po kështu pas këtyre akuzave qeveria turke ka marrë vendim të menjëhershëm për ndalimin e transmetimit të lajmeve lidhur me vrasjen e ambasadorit rus javën e shkuar, duke qenë se kjo mund të ndikojë negativisht hetimet që janë në proces e sipër.
Ndërkohë, Edvard Limonovi, kryetari i një prej partive kryesore opozitare në Rusi, siç është Partia Bolshevike Kombëtare, tha se ky nuk është fare “provokim”, siç e ka cilësuar presidenti ynë.
“Nuk është sekret që në 16 dhjetor në Halep u kapën plot 61 oficerë të lartë të NATOs, mes të cilëve kishte edhe turq. Kjo është një hakmarrje, atentatori bërtiti për Halepin, ngase e dinte që do të vdiste për disa minuta. Erdogani është një aleat gënjeshtar. Në thelb, nga ana e tyre marrëdhëniet nuk janë përmirësuar asnjëherë. Gjithçka është dukur si përmirësim vetëm sajë naivitetit tonë. Rusia duhet të shkëpusë menjëherë marrëdhëniet dhe të largojë ambasadorin turk nga Rusia” u shpreh ai.
Për autorin e vrasjes si babai i tij, si edhe shumë shokë të afërt tregojnë se ai kishte nisur të shoqërohej dhe të jetonte me persona të përfshirë në grupime që sot cilësohen si celula parapërgatitore për ElNusra. (J.V/Shuplaka)
