E gjithë skena e vrasjes së ambasadorit të Rusisë në Ankara, Andrey Karlov, është filmuar nga persona që merrnin pjesë në ekspozitën e artit modern në kryeqytetin turl.
Pas publikimit të pamjeve tronditëse, detaje të reja janë analizuar nga momenti i vrasjes.
Teksa ambasadori rus mbante fjalimin, atentatori 22-vjeçar Mevlut Mert Altintas që qëndronte pas tij, ka bërë disa lëvizje të dyshimta. Ai nuk ka qëndruar në një vend, por ecte me hapa të vegjël, si dhe kontrollonte herë pas herë xhepin e brendshëm të xhaketës. Pas këtyre lëvizjeve, ai ka nxjerrë armën dhe ka shtënë disa herë mbi diplomatin e Moskës.
Ajo që bie në sy është mënyra se si i riu mbante armën në dorë. Një detaj interesant është mënyra se si ai ka vendosur gishtin tregues në pistoletë.
Siç duket në foton e mëposhtme, ai mban gishtin tregues drejt dhe jo në këmbëz, një detaj që tregon se ai është një profesionist dhe vrasjen e ka bërë me gjakftohtësi.
Mesa duket ai ka patur si synim vetëm vrasjen e ambasadorit Karlov dhe të asnjë personi tjetër të pranishëm në galeri.
Trupi i pajetë i ambasadorit u nis sot drejt Rusisë, ndërsa në Turqi vazhdojnë hetimet rreth ngjarjes. (A.R/SHUPLAKA)
[ngg_images source=”galleries” container_ids=”225″ exclusions=”158,159,160,163,164,165,166,331,333,335″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post