Gazetari Artan Hoxha sqaron të tjera detaje mbi vrasjen e ish-drejtorit të Policisë së Vlorës, Artan Cuku.
Sipas gazetarit të kronikës, dy personat të cilët kryen krimin kanë qenë vrasës me pagesë. Ndër të tjera Hoxha shprehet se arsyet pse mendohet kjo gjë ka të bëjë me faktin se mënyra se si është qëlluar Cuku, tregon se kemi të bëjmë me qitës profesionistë.
“Fakti që e kanë goditur shumë pranë banesës do te thote se e kanë studiuar me vëmendje lëvizjet e tij. Mjeti që kanë përdorur dhe arma dëshmon që atentati ka qenë i përgatitur mirë dhe plumbat që kanë goditur në organet jetësore dëshmojmë që kemi të bëjmë me një qitës që s’ka qëlluar për herë të parë por është i sprovuar. Autori që e ka marrë përsipër për të kryer një atentat dhe për fat të keq e ka arritur qëllimin, është larguar dhe s’ka lënë gjurmë në vendin e ngjarjes. Hyrjet dhe daljet e kryeqytetit kanë të mbyllura”, tha Hoxha.
Gazetari i koronikës tregon gjithashtu se policia po sheh itenerarin e ditës së sotme të ish-kryepolicit të ndjerë, ndërsa po merren filmimet e kamerave te sigurisë së perimetrit të zonës. (D.D/shuplaka)
Discussion about this post