Për vrasjen ish-punonjësit të policisë, Artan Cukun mbrëmjen e së shtunës policia ka shoqëruar në polici edhe 2 vëllezërit e Agim Dakës. Dy vëllezrit e Dakës janë shoqëruar në polici që prej ditës së shtunë dhe janë lënë të lirë ditën e sotme. Ata kanë deklaruar para unformave blu se ditën që ka ndodhur atentati ndodheshin në Shkodër dhe se çëshjta për vdekjene vëllait të tyre është mbyllur kohë më parë. Dy vëllezërit u pyetën nga policia pasi dyshohen për ndonjë mundësi hakmarrjeje ndaj Artan Cukut, për vdekjen e vëllait të tyre. Këto shoqërime të polici të dy vëllezërve të Agim Dakës kanë lidhje me një ngjarje të ndodhur në vitin 2005. Në mars të atij viti shtetasi Agim Daka, vëllai i dy peronave të shoqëruar nga policia, 25 vjeç, nga Shkodra, vrau veten me armën e Artan Cukut.
Ngjarja ndodhi brenda në zyrat e Policisë së Shtetit në Tiranë, ku viktima u shoqërua pasi ngjante shumë me të vëllanë, Bujar Daka, i cili ishte arratisur nga Policia e Shkodrës.
Ngjarja e rëndë ndodhi kur viktima Agim Daka, teksa po merrej në pyetje në zyrën e shefit të Krimeve të Komisariatit nr.4, Artan Cuku, arriti t’i merrte armën këtij të fundit dhe më pas vrau veten.
Artan Cuku për këtë ngjarje u pezullua nga detyra për disa javë, derisa hetimi e nxori të pastër nga kjo ngjarje.
Por pas kësaj ngjarje të rëndë familjarët e Agim Dakës bënë akuza edhe publike ndaj Policisë, edhe ndaj Artan Cukut. (J.V/Shuplaka)
