Sektori i Krimit Ekonomik dhe Financiar në Drejtojnë e Policisë Fier ka nisur procedim penal, për “Shpërdorim detyre” ndaj gjyqtarit të Gjykatës së Shkallës se Parë në Fier, Ergys Selmani.
Gjithashtu procedim penal për “Shpërdorim detyre” ka nisur edhe ndaj kryetares së zyrës përmbarimore në Fier , 36-vjeçares me inicialet L.SH.
Nga veprimet e para hetimor rezultoi, se ajo ka shkelur ligjin duke mos kryer asnjë veprim përmbarimor për ekzekutimin e vendimit të urdhrit të mbrojtjes.
Ferdinat Ruko hodhi dy ditë më parë bashkëshorten Liljana Ruko, nga kati i katërt i pallatit ku jetonin. Çifti kishte patur grindje të vazhdueshme. 52-vjeçari e kishte dhunuar atë për herë të fundit në datën 4 nëntor. Për këtë arsye viktima Liljana atë ditë ka bërë denoncim në komisariatin e policisë dhe në datën 9 të muajit të kaluar gjykata e Fierit ka vendosur urdhër-mbrojtje të menjëhershëm për të.
Në vendimin e gjykatësit Ergys Selmani janë 11 pika të cilat autori i krimit makabër duhet t’i respektonte. Por pavarësisht urdhrit të mbrojtjes dhe vendimit që burri të mos i afrohej gruas më shumë se 2 metër, dy bashkëshortet jetonin në një shtëpi.
Discussion about this post