Mikel Shallari, 24 vjeç, nga Kuçova u ndalua dje në orët e para të mëngjesit nga oficerët e Forcave Operacionale të Policisë pasi dyshohet si ekzekutori i komisar Artan Cukut.
Sipas policisë i dyshuari në momentin e arrestimit ka qenë duke drejtuar një automjet, me drejtim nga kryqëzimi i “Pallatit me Shigjeta”, në drejtim të “21 Dhjetorit”, kur i është bërë shenjë për të ndaluar përballë një qendre tregtare tek ish-Parku i Autobusëve.
Por ai nuk ka qenë vetëm. Në sediljen e parë të makinës që drejtonte 24- vjeçari ndodhej një vajzë nga Lushnja, që është e dashura e tij dhe në sediljen e pasme ishte një shok i Shallarit.
Po kështu e dashura e të riut mësohet se ishte mbajtur në vëzhgim për dy javët e fundit gjatë gjurmimit të ekzekutorit. Burimet thanë se i dyshuari nuk ka bërë rezistencë në momentin e ndalimit, i është bindur urdhrit pa kundërshtuar as kontrollin fizik të tij e të mjetit. Nga kontrolli fizik i tyre dhe i automjetit nuk janë gjetur objekte të jashtëligjshme. (J.V/Shuplaka)
Discussion about this post