Vrasja e Klaudio Prendit, djalit të ish-gjyqtarit Fran Prendi i ka kaluar në kompetencë SPAK.
Do të jetë Prokuroria e Posaçme që do të hetojë ekzekutimin e 27-vjeçarit, i cili u vra me armë zjarri me silenciator në afërsi të Xhamllikut. Ka dyshime se autorët i përkasin një grupi të strukturuar kriminal.
Kujtojmë se Prendi u vra sapo hipi në makinën e tij tip ‘Mercedes’ nga autorët që sulmuan me breshëri nga një tjetër automjet.
Për këtë rast janë 2 pista hetimi që ka ngritur Policia që mund të jenë shkak për ngjarjen, një për shkak të detyrës së të atit dhe tjetra për shkak të një konflikti që ai mund të ketë pasur me eksponentë të një organizate kriminale.
Discussion about this post