Lidhur me vrasjen e dyfishtë që ndodhi mëngjesin e sotëm në lagje Kiras të Shkodrës, forcat Shqiponja dhe RENEA kanë kryer kontrolle blic në banesat e familjes Lici, ndërsa ende nuk raportohet nëse ka të shoqëruar mes tyre.
Familja Lici prej kohësh është një një konflikt me familjet Bajri dhe Bilali, ç’ka ka pasuar dhe me vrasjen e 11 personave në qytetin e Shkodrës në harkun kohor të më pak se një viti.
Astrit dhe Ibrahim Bilali u vranë mëngjesin e kësaj të shtune teksa ishin duke hyrë në banesën e shtëpisë së tyre.
Astriti është babai i ish-boksierit të Vllaznisë, Asmer Bilali, i arrestuar gjatë aksionit për goditjen e grupit Bajri gjatë shtatorit të vitit të kaluar. (Lexo ketu)
Saga e vrasjeve Shkodër
Kujtojmë se seria e përplasjeve mes bandave dhe dy fiseve rivale në Shkodër nisi me atentatin ndaj Lulzim Kullës dhe vrasjen në 18 qershor të biznesmenit Mehdi Kavaja.
Më 10 Gusht 2018 vritet në lagjen e tij Fatbardh Lici. Lici ka qenë i dyshuar se në vitin 2011 ishte i përfshirë në vrasjen e Astrit Kurmemajt, i dënuar me 25 vite burg për disa vrasje ndaj një tjetër familjeje në Shkodër.
Fatbardh Lici ka lidhje familjare me Lulzim Kullën, të cilit më herët iu bë atentat në qendër të Shkodrës. Nga kjo ngjarje e ndodhur rreth shkurtit të 2018-tës ai mbeti i paralizuar.
Po ashtu në muajin korrik 2018 u vra Boran Breçana dhe bashkëjetuesja e tij në sy të djalit 2-vjeçar, në hyrje të pallatit të tyre.
Në 10 gusht 2018 vritet Fatbardh Lici në lagjen e tij.
13 ditë më vonë, në 23 gusht 2018 u zhduk Agron Mollaj dhe Gëzim Hysa, dajë dhe nip
Pak ditë pas zhdukjes së Agron Mollaj dhe Gëzim Hysa, 27 gusht 2018 vritet Prendush Fusha
Në 1 shtator 2018 vritet Arjan Ferracaku, biznesmen i cili ishte nën shoqërinë Asmer Bilalit, djali i një prej viktimave të sotme dhe mendohej se ishte shënjestra e autorëve.
Në 14 nëntor të 2018-tës u eleminua dhe kushëriri i Arjan Ferracakut, Fatos Ferracaku 40-vjeç dhe u plagos Fatmir Mehaj.
Në 20 mars 2019 ekzekutohet biznesmeni Ferdinand Polia
Në 30 mars 2019, vriten dy vëllezërit Astrit dhe Brahim Bilali.
Shkodra në muajt e fundit është kthyer në një qytet të minuar, për shkak se ka ndodhur dhjetra atentate mafioze, shumica e të cilave mbeten të pazbardhura nga ana e Policisë. Përplasja mes bandave rivale ka shkaktuar derimë tani 11 persona të vrarë, në atentate ende të pazbardhura.
(E.K/FAXWEB.AL)
Discussion about this post