Një ditë më parë, Renato Milloshi, i shpallur në kërkim lidhur me ekzekutimin e Elton Çiçës në lokalin “De Niro” më 1 maj 2016, ka rrëfyer në polici lidhur me vendin ku fshihej, shkakun e vetëdëorëzimit në polici dhe marrëdhënien me autorin Jani Aliaj.
Ai ka rrëfyer në polici se gjatë kohës që kërkohej nga policia, ka qëndruar i fshehur në banesa të ndryshme në periferi të Tiranës. Sipas tij, kanë qenë familjarët që e kanë shtyrë të japë dorëheqjen.
Lidhur me autorin e dyshuar Jani Aliaj, Renato Milloshi ka mohuar të ketë dijeni se ku ndodhet. Ai shprehet se nuk ka kontakuar me të.
“Pas ngjarjes jam fshehur në banesa të ndryshme, në periferi të Tiranës. Ishin familjarët që më bindën të dorëzohem. Me Jani Aliaj nuk kam kontakuar, nuk e di ku ndodhet. Kam dëgjuar që ai ka ikur jashtë vendit.”, mësohet të ketë thënë Renato Milloshi në polici.
Ai u vetëdorëzua mbrëmjen e djeshme në Drejtorinë e Policisë së Tiranës. Emri i tij si i dyshuar për ngjarjen u bë publik rreth një muaj pas vrasjes së Elton Çiçës. Bazuar në provat e mbledhura, 36-vjeçari akuzohet se ka shërbyer si ndihmës në ngjarje.
Ai akuzohet se ka drejtuar makinën tip “Ford” me ngjyrë të zezë, me të cilën Jani Aliaj ka lëvizur natën e vrasjes së Elton Çiçës në Tiranë. (XH.A/SHUPLAKA)
Discussion about this post