Tre të akuzuar për vrasjen e Enton Nikës para një viti në parkingun e një lokali në Linzë janë shpallur të pafajshëm nga gjykata e Apelit në Tiranë. Pasi Gjykata e shkallës së parë në Tiranë i kishte shpallur ata të pafajshëm për akuzën e ‘’vrasjes’’, tashmë Apeli iu heq atyre dhe akuzën tjetër që iu rëndonte, atë të ”moskallëzimit të krimit”.
Në këtë mënyrë zhvlerësohet dënimi me burg që ata kanë kryer pasi ishin të dënuar nga Gjykata e shkallës së parë për veprën e ‘’moskallëzimit të krimit’’.
Në pretencën e paraqitur në Shkallën e Parë, prokuroria kërkoi për ta dënime nga 25 në 35 vjet heqje lirie. Në përfundim të shqyrtimit gjyqësor, më 4 maj 2016, Gjykata e Tiranës vlerësoi se akuza e “vrasjes” provohej vetëm për të pandehurin Tasho. Ndryshe nga pretendimi i Akuzës, ai u fajësua për “vrasje me dashje” dhe jo për “vrasje me paramendim”, duke marrë një dënim me 16 vjet burg. Të pandehurit e tjerë u fajësuan për “moskallëzim krimi”, ndërsa i pandehuri Hasani edhe për “kanosje”. Ata morën dënime nga 1 vit e 4 muaj burg.
Në këtë mënyrë ata do të lihen të lirë, pasi Apeli ka zhvlerësuar të gjitha akuzat që rëndonin mbi ta.
Discussion about this post