Vrasja e Fatos Ferracakut dy ditë më parë në qytetin e Shkodrës vijon të mbetet e pazbardhur, ndërsa derimë tani nuk ka asnjë të dyshuar kryesor për ngjarjen.
Dyshimet janë se atentati ndaj tij, ku mbeti i plagosur dhe kunati Fatmir Mehja të lidhet me vrasjen në datën 1 shtator të kushëririt Arjan Ferracaku, në zonën e Livadhes. Burime bëjnë me dije se policia ka dyshime se Arjan Ferracaku ka parë vrasësit e kushëririt të tij.
Ditën e djeshme në polici u bë shoqërimi i Mustafa Licit, po duket se përveç faktit që motori i përdorur në atentat u dogj pranë banesës së tij, grupi I hetimit nuk ka arritur të gjejë procva të tjera që mund të implikonin këshillin bashkiak.
Mustafa Lici ka mohuar se ka lidhje me vrasjen dhe as që ka dijeni për autorët e mundshëm. “Kur ka ndodhur ngjarja, kam qenë në Tiranë me deputetë të PD-së, në një mbledhje të zhvilluar atje”, është shprehur këshilltari i bashkisë.
Pas shoqërimit, familjarët e tij nuk janë lejuar që të kenë asnjë lloj kontakti me të. Ata kanë kërkuar që t’i dërgojnë ujë dhe ushqime, por kjo gjë nuk është pranuar nga Policia. Mustaf Lici u la i lirë pas 8 orësh që është marrë në pyetje në Policinë e Shkodrës.
(E.K/FAXWEB.AL)
Discussion about this post