Në një deklaratë të lëshuar për vrasjen e Ivanoviq, ministria e Punëve të Jashtme të Rusisë tha se Moska “dënon fuqishëm këtë akt të neveritshëm”.
Ministria ruse deklaroi se ky akt mund të çoi në rritjen e “një atmosfere terrori” dhe ringjalljen e “konfliktit ndëretnik në rajon”.
“Ne u bëjmë thirrje të gjitha institucioneve ndërkombëtare në Kosovë që të marrin masa për të parandaluar incidentet e mundshme në krahinë”, ka thënë shteti i Rusisë.
“Ne presim që institucionet përkatëse të kryejnë një hetim tërësor të incidentit dhe të identifikojnë autorët që do të marrin dënimin që meritojnë”.
Kreu serbëve të Kosovës Oliver Ivanoviç u vra sot para zyrës së tij në Mitrovicën veriore. Të shumta kanë qenë reagimet për vrasjen e tij, në Kosovë, Serbi por edhe Shqipëri. Liderët politikë kanë kërkuar zbardhjen e ngjarjes dhe vënien e autorëve para drejtësisë.
Delegacioni serb braktisi bisedimet në Bruksel dhe u kthye në Serbi ku Vuçiç mblodhi edhe Këshillin e Sigurisë Kombëtare.
(B.H/Faxweb)
