Kryeministri Edi Rama në mbledhjen që pati sot me grupin e PS, tregoi dhe bisedën që ka konsumuar me Presidentin e Serbisë Aleksandër Vuçiç lidhur me vrasjen e Oliver Ivanoviçit në Kosovë, si një nga temat që ai preku.
“Nga biseda me Presidentin e Serbisë, ne mundëm të konstatojmë se vrasja e një përfaqësuesi të njohur të një komuniteti serb në Kosovë nuk ka ndikuar negativisht në ecurinë e mëtejshme të dialogut mes Kosovës e Serbisë.
Nga ana tjetër, në funksion të këtij procesi, të bashkëpunimit rajonal, ne jemi besimplotë se po hyjmë në një fazë të re që siç e konstatuan në Forumin e Davosit, ka një rritje të ndejshme të interesit të kompanive të huaja për të investuar në rajon e posaçërisht në Shqipëri”, u shpreh Rama.
Ndërsa më herët foli dhe për takimin me Tsipras, ku tha se shumë shpejt do ti jepet fund çështjeve që kanë ndarë për 70 vite me rradhë dy vendet fqinje.
(E.K/FAXWEB)
Discussion about this post