Ish-ambasadori Agim Nesho të martën ka deklaruar se skenarët mbi vrasjen e liderit serb të veriut të Kosovës, Oliver Ivanoviç janë të shumta.
Nesho tha në studion e emisionit ‘Opinion’, ndër të tjera se qeveria serbe nuk mund të jetë protagoniste në këtë vrasje, me arsyen se nuk mund të kompromentonte kur është e angazhuar në një proces shumë më të madh dhe kur shtypi europian e sheh Vuçiç si një lider që i kalon pritshmëritë e tyre.
“Unë nuk mendoj që është qeveria serbe e angazhuar në këtë vrasje. Nuk mund të kompromentonte kur është e angazhuar në një process shumë të madh. Vetë Vuçiç ka thënë se procesi i integrimit të Serbisë në BE kalon përmes Kosovës, dhe menaxhimin e faktorit nacionalit brenda. Rryma nacionaliste që duhet ta pengojë Vuçiçin për të bërë këtë arritje është e madhe. Ka edhe skenarë të tjerë port ë mos i përmendim me emra. Forca të tjera që mund të destabilizojnë ballkanin janë të pritshme”, tha Nesho. (B.H/Faxweb)
Discussion about this post