Të tjera detaje të forta janë zbuluar, mbrëmjen e sotme, nga gazetarja Klodiana Lala, për vrasjen e biznesmenit Kastriot Reçi. Lala tha se vëllai i biznesmenit, Martini, është krahu i djathtë i një zyrtari aktual të Policisë së Shtetit.
“Vëllai i Kastriot Reçit, Martini, ka punuar si shofer për një zyrtar të lartë të Policisë së Shtetit, aktualisht. Ka punuar për disa vite me radhë”, tregoi gazetarja, teksa theksoi se familja Reçi, është një familje që ka pushtet në zonë.
“Kjo është një familje që ka pushtet në zonë dhe që përplasjet kanë nisur prej shumë vitesh. Saimir Jaku sipas të dhënave të policisë, për një problem krejt personal, i ka vënë në kokë armën Gaz Reçit dhe më pas u vra Saimir Jaku dhe nipi i tij në Belgjikë”, zbuloi ajo.
Sipas Lalës, në këtë çështje që u cilësua në momentin e parë si kriminale, ka pasur edhe trafiqe. Gazetarja pretendon se policia nuk e zbardh ngjarjen, për shkak të lidhjes së ngushtë të vëllait të Kastriot Reçit me zyrtarin e policisë.
Discussion about this post