Vjollca Arapi ka reaguar menjëherë pas lajmit se djali i saj, Devis Arapi është shpallur në kërkim policor (lexo ketu).
Drejtësia të bëjë punën e saj, por djali im nuk ka gisht në vrasjen e Jurgen Kurtit. Djali im ka qenë për herë të fundit me 28 janar të këtij viti dhe ka ndenjur vetëm 2 ditë në Shqipëri.
“Kam komunikuar përditë me të në telefon. I bëj thirrje policisë, ministrit Sandër Lleshaj të mos na marrë nëpër këmbë se po na shkatërrojnë. Po ma marrin në qafë djalin. Ju lutem po ju bëj thirrje, më ndihmoni”, tha Vjollca Arapi për Fax News.
Jurgen Kurti u vra mbrëmjen e kësaj të hënë me disa plumba në hyrje të pallatit ku jetonte.
Policia e lidh emrin e Devis Arapait me vrasjen e Jurgen Kurtit pas ngjarjes së 2 viteve më parë në Durrës ku Agim Arapi, babai i të shpallurit në kërkim mbeti i vdekur nga goditja me sende të forta prej 3 personave, Jurgen Kurti, Kujtim dhe Konstandin Ekonomi.
Për këtë ngjarje policia akuzoi Kujtim Ikonomin, xhaxhain e të fejuarës së Kurtit, i cili po vuan dënimin 5 vjet burg për “vrasje nga pakujdesia”. Vjollca Arapi pas ngjarjes akuzoi dhe Jurgen Kurtin dhe Konstandin Ikonomin si bashkëpunëtor në vrasjen e bashkëshortit të saj.
Jurgen Kurti një vit para kësaj ngjarje, në 2016-n u përfshi dhe në vrasjen e babait të tij, Artur Kurti, vrasje të cilën e mori përsipër daja e tij.
