Burime për Fax News konfirmojnë që është identifikuar dhe ndaluar autori i vrasjes së Lazër Arrajt që ndodhi mesditën e djeshme në fshatin Palaj të Dukagjinit. Mësohet se autori i ngjarjes është Marash Arra, kushëri me viktimën, ndërsa mbetet e paqartë arsyeja e këtij krimi. Po ashtu policia ka ndaluar për verifikim dy persona të tjerë.
Arraj u gjet i vdekur në zonën e thellë malore gjatë mesditës së djeshme, ndërsa kanë qenë dy plumba në trup ata që i kanë marrë jetën 55-vjeçarit.
Lazër Arraj u gjet i vdekur nga nipërit e tij, ndërsa mësohet se ishte duke u kthyer për në Shkodër, ku ka edhe vendbanimin, ndërsa në fshat kishte qenë për të grumbulluar zahiretë e dimrit.
(E.K/Faxweb.al)
