Autori i dyshuar i 28 vjeçarit Mario Majollari mbrëmë në Kinostudio, Kastriot Gjuzi është personi që shihni në foto.
40-vjeçari Gjuzi akuzohet se mbrëmjen e djeshme ekzekutoi me tre plumba në Kinostudio djalin e hasmit të tij.
Gjuzi, banues në Tiranë, rezulton i dënuar më parë. Policia identifikoi në kohë rekord autorin e vrasjes që tronditi kryeqytetin mbrëmjen e së martës, pasi u zbulua motivi i hakmarrjes. Avni Majollari, babai i 28-vjeçarit është dënuar me burg përjetë për vrasjen e Ilir Gjuzit, vëllai të Kastriot Gjuzit dhe Amarildo Nelaj në vtin 2000.
Policia njofton se: Pas një pune intensive dhe profesionale, gjatë gjithë natës dhe orëve të para të mëngjesit, fiksimit të çdo prove në vendngjarje, si dhe një sërë veprimesh të tjera hetimore, u bë e mundur zbardhja e ngjarjes.
Specialistët e Sektorit për Krimet e Rënda në D.V.P. Tiranë, bënë shpalljen në kërkim të autorit të dyshuar:
K.Gj., 40 vjeç, banues në Tiranë, i dënuar më parë.
Ky shtetas dyshohet se rreth orës 20:25, në rrugën “Aleksandër Moisiu”, për motive hakmarrjeje ka vrarë me armë zjarri shtetasin M.M., 28 vjeç.
Vijon puna intensive për gjetjen dhe arrestimin e autorit të dyshuar të shpallur në kërkim.
Materialet i kaluan Prokurorisë së Rrethit Gjyqësor Tiranë për veprat penale “Vrasjes për gjakmarrje” , “Mbajtje pa leje e armëve luftarake dhe e municionit” parashikuar nga nenet 78/a dhe 278/2 të Kodit Penal, në ngarkim të shtetasit K.Gj. (B.H/Faxweb)
Discussion about this post