Vrasja e Marvi Mihalit, Gjykata lë në burg 4 të akuzuarit

Ditën e sotme Gjykata e Tiranës ka vendosur masën e sigurisë “Arrest me Burg” për të 4 të akuzuarit për vrasjen e 22-vjeçarit Marvi Mihali.

Pas sherrit për një karikues celulari kushërinjtë Eugen Bitraj dhe Dejvi Bitraj dhe dy shokët e tyre, e kanë goditur me thikë në zemër 22-vjeçarin.

Në burg janë lënë, Eugen Bitraj, 24 vjeç, banues në Tiranë, Dejvi Bitraj,19 vjeç, banues në Tiranë, Kridens Alla,19 vjeç, banues Tiranë, Marsel Alla, 23 vjeç, banues Tiranë.

Sipas dëshmive të dhëna pas arrestimit, 4 të prangosurit janë shprehur se nuk kanë dashur ta vrasin 22-vjeçarin. Viktima dhe Dejvi Bitraj janë konfliktuar në telefon për shkak se celulari që Mihali kishte blerë ishte me probleme.

Ndërkohë i vetmi i cili e ka pranuar autorësinë e vrasjes ka qenë Eugen Bitraj.

(S.SH/Shuplaka)