Mesnatën e kaluar në qytetin e Shkodrës u shënua një ngjarje e rëndë. Si pasojë e një atentati me armë zjarri mbeti i vrarë 42-vjeçari Ilir Alija me profesion mjek.
Autori i cili kreu atentatin është komshiu i tij, 26 vjeçari Dritan Ymeri. Mjeku Ilir Alija kishte bere disa punime ne katin e trete te baneses, po kryente një shtesë kati, për këtë është përplasur me fqinjin e tij.
Ngjarja ka ndodhur rreth orës 23:40 të së premtes, në lagjen “Qemal Stafa”, ndërsa policia bën me dije se Ymeri ka qëlluar disa herë me armë zjarri mbi Alijan dhe për pasojë i ka shkaktuar këtij të fundit vdekjen e menjëhershme.
Konflikti nuk ka qenë i çastit por kishte nisur kohë më parë, që kur viktima kishte nisur të ndërtonte shtesën në banesën e tij.
Konflikti ka arritur pikën kulmore natën e mbrëmshme ku 26 vjeçari Dritan Ymeri ka qëlluar me armë të ndjerin në sy të djalit të tij duke i shkaktuar vdekjen.
Edhe pse RENEA u vu në ndjekje të tij ai ka mundur të arratiset dhe për pasojë autori i vrasjes është ende i lirë. (B.H/Shuplaka)
Discussion about this post