Vrasja e Ardiana Shahollit ka tronditur qytetin e Durrësit mbrëmjen e të premtes. Ardiana 40 vjeçe, nënë e 6 fëmijëve, u vra nga bashkëshorti i saj, Çlirim Shaholli 42 vjeç.
Mes varfërisë dhe skamjes, Ardiana ndërroi jetë pas plagëve të shumta që kishte marrë në pjesën e kokës si pasojë e goditjeve të të shoqit.
Fax News ka shkuar në Durrës, në lagjen e çiftit Shaholli, aty ku sot 6 fëmijët kanë organizuar ceremoninë mortore për varrosjen e të ëmës.
Fqinjët e çiftit kanë thënë jashtë kamerave se Çlirim Shaholli nuk punonte. Ata kanë pohuar se ishte Ardiana ajo që punonte në një rrobaqepësi për të mbajtur familjen.
“Jemi të tronditur. Na u drodh mishin kur e morëm vesh. Ishte xheloz budalla, nuk punonte. Ardiana mbante familjen me bukë, punonte në një rrobaqepësi. Ktheheshin me borxhe, jetonin në skamje.”-janë shprehur fqinjët e çiftit.
(F.G/Faxweb.al)
