Pas vrasjes së Oliver Ivanovic në Mitrovicë ka reaguar gruaja e tij Milena Ivanovic. Mes dhimbjesh ajo është shprehur se ia morën burrin e saj për herë të dytë. “Ata e morën atë për herë të dytë, vetëm këtë herë nuk do të kthehet më”, u shpreh ajo për median serbe “Blicin”.
Më tej ajo ka shtuar se të gjithë ata që bënë këtë krim nuk do të përfundojnë mirë.
“E rëndësishme eshtë që fëmijët tanë janë mirë dhe tani janë me nënën time. Kush e ka bërë këtë, duhet ta dijë se nuk do të përfundoje mirë”, tha ajo.
Politikani serb Oliver Ivanovic u vra nga një sulm me armë teksa po shkonte në punë, në zyrat e partisë, Ivanovic u sulmua sot nga një makinë në lëvizje. Deri më tani raportohet se ai ka marrë 4 plumba dhe nuk mund t’i rezistojë plagëve. (J.V/Faxweb)
