Pas vrasjes së politikanit serb në Mitrovicë, Oliver Ivanovic ka marrë menjëherë disa hapa qeveria serbe. Qeveria serbe ka ndërprerë menjëherë bisedimet me Brukselin në lidhje me Kosovën. Madje mediat serbe shkruajnë se Vuçiç do të mbledhë Komisonin e Sigurisë të Serbisë ditën e sotme. Gazeta “Blic” e Beogradit thotë se delegacioni i Serbisë i ka ndërprerë bisedimet në Bruksel dhe se delegacioni serb është kthyer në Serbi. Të njëjtin hap e ka marrë edhe delegacioni i shqiptarëve.
Qeveria Kosovare këtë sulm e quan shumë të rëndë. Qeveria e Kosovës ka deklaruar se duhet të vihen menjëherë para drejtësisë autorët e këtij sulmi të rëndë.
Deri më tani raportohet se Oliver Ivanovic ka marrë 4 plumba dhe ka ndërruar jetë pas disa minutash në spital. Sumi i është bërë në zyrën e tij.
Po kështu edhe Maja Kocijançiç, ka thënë se dënon fuqishëm vrasjen e Oliver Ivanovicit, të martën në veri të Kosovës.
“Ne presim që autoritetet përkatëse të sundimit të ligjit në Kosovë të mos kursejnë asnjë përpjekje për gjetjen e autorëve dhe t’i sjellin ata para drejtësisë pa vonuar. EULEX do të përkrahë autoritetet në përputhje me mandatin e vet. Ftojmë të gjitha palat të tregojnë qetësi dhe të përmbahen në mënyrë që sundimi i ligjit dhe drejtësia të marrin rrugën e duhur”, ka thënë ajo.
Kush është Oliver Ivanovic?
Oliver Ivanovic është i lindur në Irzniq të Deçanit dhe i rritur në Gjakovë e Mitrovicë. Ai përfaqësonte një frymë të re në politikën serbe që në atë kohë përfaqësohej nga Zoran Dindic. Ndërkombëtarët i kishin varur shpresat te ky politikan nga Mitrovica, por nuk do të vononte shumë dhe imazhi i tij do të plandosej për toke. Ivanovic rezultoi se kishte marrë pjesë në masakra kundër shqiptarëve. Ai është i dënuar për krime lufte.
Gjykata Themelore e Mitrovicës në vendimin e 30 marsit 2016, e shpalli fajtor Oliver Ivanovicin për veprën penale të Krimeve të Luftës kundër Popullatës Civile dhe ndaj tij e shqiptoi një dënim prej 9 vjet burgim. Por në shkurt të vitit të kaluar ta ndryshojë masën ndaj Ivanoviqit në burg shtëpiak. (J.V/Faxweb)
Discussion about this post