Një 26-vjeçar është akuzuar për vrasje si autor i vrasjes së shefit ekzekutiv të UnitedHealthcare, Brian Thompson, ngjarje e ndodhur javën e kaluar në qytetin e Nju Jorkut. Luigi Mangione u arrestua në një McDonald’s në qytetin Altoona, Pensilvani, rreth 450 km në perëndim të qytetit të Nju Jorkut pasi një klient e njohu atë.
26-vjeçarit, në momentin kur u vendos në pranga, iu gjet një armë dhe një dokument i shkruar me dorë. Luigi Mangione doli në një gjykatë të Pensilvanisë ku iu komunikuan 5 akuza dhe iu mohua lirimi me kusht.
I veshur me xhinse dhe një bluzë blu të errët, Mangione dukej i qetë gjatë seancës, duke parë herë pas here të pranishmit, përfshirë mediat. Vetëm disa orë më vonë, hetuesit e Nju Jorkut e akuzuan Mangione për vrasje dhe katër akuza të tjera, përfshirë akuzat për armë zjarri.
50 vjeçari Thompson u qëllua për vdekje pas shpine mëngjesin e së mërkurës së kaluar jashtë hotelit Hilton në Midtown Manhattan, ku UnitedHealthcare, gjiganti i sigurimeve që ai drejtonte, po mbante një takim investitorësh. Policia thotë se ai ishte në shënjestër të një vrasjeje të planifikuar paraprakisht.
Hetuesit zbuluan se gjetja e Mangione ishte një surprizë e plotë, pasi nuk e kishin emrin e tij në listën e të dyshuarve. Ishte një klient i McDonald’s në Altoona që e njohu të dyshuarin për shkak të fotove të publikuara në media dhe njoftoi një punonjës, i cili më pas informoi policinë.
Kur policia mbërriti, Luigi Mangione u tregoi atyre një patentë shoferi të falsifikuar në New Jersey me emrin Mark Rosario, thuhet dokumentet e gjykatës. Ai u heshti dhe filloi të dridhej kur një oficer e pyeti nëse kishte qenë në Nju Jork kohët e fundit. Kur iu tha se do të arrestohej nëse gënjente, ai tregoi emrin e tij të vërtetë, sipas dokumenteve të gjykatës.
I pyetur pse gënjeu, ai u tha oficerëve se “nuk duhet ta kisha bërë”. Gjatë kontrollit në çantën e shpinës së tij iu gjet një armë dhe një karikator të mbushur me gjashtë fishekë municioni 9 mm. Prokurorët thanë se ai mbante gjithashtu një pasaportë amerikane dhe 10.000 dollarë para të kesh.
Discussion about this post