Gazetari Arben Rrozhani i ftuar në “Natë me Xhaxhiun” ka folur për librin e tij “Vrasja e Sokolit”, ku synohet të hidhet dritë në momentet e fundit të jetës së Sokol Olldashit.
Rrozhani u shpreh se libri i tij është i ndarë në tre kapituj, jeta e Sokolit, politika dhe vdekja, që sipas tij ishte vrasje.
Sipas Rrozhanit, politikisht Olldashi u vra në 2007-n në garën përballë Edi Ramës për kreun e bashkisë së Tiransës ku u tradhëtua nga brenda PD-së sipas tij.
“Është i ndarë në tre kapituj, jeta, politika dhe vdekja, që e kam quajtur vrasja. Me ana të dëshmive që kam marrë dhe me anë të dokumenteve të pakta, dhe me ato dëshmi që nuk arrita të marr, e kam quajtur në thonjëza një libër të sabotuar se shumë nuk kanë pranuar të flasin.
Njerëzit npër këtë rast nuk kanë preferuar të flasin. Por ata që folën në shumicë janë mendime pozitive”, u shpreh ndër të tjera Rrozhani.
Sipas tij hetimi është i manipuluar pasi në makinë me ish-deputetin e PD-së ishte dhe një femër, një fakt që është mbajtur i fshehtë por që mund të hidhte dritë për këtë ngjarje.
“Në shqipëri sidomos për figurat politike, janë futur të gjitha aksidente, për shembull rasti i Kosta Trebickës, unë isha me të një ditë para dhe nuk e kishte ndërmend të shkonte për gjah, por e quan atje dhe e vranë, ka dhe të tjerë.
Ky libër është një gërshetim mes gazetarisë dhe dokumenteve zyrtare. Unë bërë një kërkesë tek Prokuroria e Tiranës për dosjen dhe ata u habitën se thanë që ishte e para herë që u kërkohet një dosje, se gazetarët tanë flasin me burime.
Hetimi është manipuluar se është hequr personazhi kryesor në vendnngjarje që ka qenë një grua. Zotëria që e ka thënë këtë është polici i patrullës, dhe nuk besoj se zotëria ka dhënë një dëshmi të rreme, për mua është shumë e rëndësishmë, ky person nuk është pyetur dhe nuk dihet se kush është. Është një dosje voluminoze, por mua më interesonte pjesa e fundit që mund të zbulonin”, shtoi ai.
