Prindërit e Musa Saraçit 24 vjeç, që akuzohet për vrasjen e taksistit 65-vjeçar në Kavajë, kanë reaguar menjëherë pas ngjarjes së rëndë. Ata shprehen se nuk kanë dijeni për këtë krim, por nëse i biri e ka kryer atëherë të pushkatohet.
“Shteti të marrë masa. Nëse djali e ka kryer krimin, atëherë të pushkatohet.”, janë shprehur ata për “News24”, teksa tregojnë se nuk kishin dijeni se Musai ishte përdorues i lëndëve narkotike.
Në dëshminë e tij në polici, Musa Saraçi, ka pranuar autorësinë e krimit dhe ka treguar rrethanat e ngjarjes së rëndë. Ai është shprehur se nuk e njihte taksistin dhe nuk donte ta vriste. “Nuk e njihja dhe as kisha gjë me taksistin. E bëra vetëm se më duheshin lekët. Nuk doja ta vrisja por ndodhi” është shprehur ai teksa ka treguar se makinën e kishte shitur për 30 mijë lekë të reja.
Discussion about this post