Rreth orës 4 të mëngjesit një ngjarje e rëndë ka ndodhur në Mamurras, ku është plagosur me armë 27-vjeçari Indrit Pepa.
Gjatë transportimit për në Spitalin e Traumës, i riu ka ndërruar jetë për shkak të plagëve të marra. Policia thotë se e ka identifikuar autorin e vrasjes dhe e ka shpallur atë në kërkim.
Dyshimet e para të policisë janë se Indrit Pepa ka pasur dje një konflikt me disa persona, dhe kjo ka bërë që situata të çojë në një tragjedi. 27-vjeçari prej disa vitesh jetonte jashtë Shqipërisë dhe ishte baba i një vajze 3-vjeçare.
Pepa është vrarë në dalje ta banesës së tij me kallashnikov. Një tjetër pistë në të cilën po heton policia është dhe ajo e hakmarrjes.
Mësohet nga burime policore se Pepa në vitin 2012 ka qenë i akuzuar për një plagosje, për të cilën nuk ka marrë asnjë dënim. Mësohet se pikërisht për shkak të kësaj ngjarjeje familja e Indrit Pepës ka qenë e ngujuar prej 6-vitesh.
Autorët e kanë pritur 27-vjeçarin në derën e banesës së tij, dhe sapo ai ka hipur në makinë mbi të është derdhur një breshëri plumbash.
I riu kishte pak kohë që ishte kthyer në Mamurras, dhe nuk dihet nëse kishte në plan të largohej sërish së shpejti.
(E.K/FAXWEB.AL)
Discussion about this post