Një i ri sirian që ka përfituar azil në Gjermani ka reaguar pas ngjarjes së rëndë shënuar pak kohë më parë në Freiburg, ku një 18-vjeçare, vajza e një zyrtari të lartë të Bashkimit Europian, u përdhënua dhe vra mizorisht.
Maria Ladenburger, e cila punonte edhe si vullnetare në një qendër azilkërkuesish, u përdhunua fillimisht e më pas u vra më 16 tetor nga një emigrant afgan, identiteti i të cilit nuk bëhet i ditur.
Refugjati sirian Aras Becho 18 vjeç, u ka dërguar një letër të hapur autoriteteve gjermane ku i kërkon të jenë intolerantë ndaj emigrantëve kriminelë.
“Tolerancë zero. Thirrja për deportimin e emigrantëve është bërë më e fortë dhe tashmë e kuptoj pse. Ata duhet të nxirren nga vendi. Për shkak të këtyre incidenteve të tilla, shumë emigrantë përbëjnë kërcënim për qytetarët gjermanë. Jo të gjithë emigrantët përbëjnë kërcënim, por rreziku duhet marrë seriozisht.”
Në lutjen e tij për dëbimin e kriminelëve, refugjati sirian vë në dukje se Gjermania është shtet i së drejtës dhe ka ligje që duhet të zbatohen. “Për shkak të të tillë njerëzve, nuk mund të imagjinohet numri i femrave që frikësohen e nuk guxojnë të dalin jashtë shtëpive të tyre. Për shkak të tyre, refugjatët e pafajshëm nuk janë të mirëpritur.
