Detaje të reja mësohen nga vrasja barbare e fëmijës shiptar 7 vjeç në Basel të Zvicrës. Vogëlushi me iniciale I.M u vra dje në orën 12.00 nga një grua 75 vjeç.
E moshuara pak momente pasi kreu vrasjen u dorëzua në polici por motivet e saj janë ende të paqarta.
Banorët në qytet janë tronditur shumë nga kjo ngjarje makabre. Një nga qytetarët që po kthehej nga shëtitja thotë që pa shumë gjak por se nuk kuptonte se cfarë kishte ndodhur:
“Jashtë rrugës qëndronin rreth 20 burra, mendoj se ata ishin të gjithë policë. Pashë një pishinë të madhe gjaku. Nuk e di se çfarë ndodhi, mendova se dikush ishte therur këtu, personi ka humbur kaq shumë gjak, ka pasur dy këpucë pranë pishinës me gjak dhe më pas policia i mori. Gjaku u hoq pak më vonë. Njerëzit po hedhin lule”.
Ndërkohë një fqinjë tjetër e kishte marrë lajmin nga policia ndërkohë që ata kishin kërkuar ujë të pastronin vendin për të mos përhapur më shumë panik në qytet. Ajo thotë që ky akt është i paprecedentë dhe që nuk kishte ndodhur asnjëherë më parë.
“Papritmas policia erdhi dhe më pyeti nëse mund të merrte ujë nga unë. Pastaj një polic në banesën e saj mbushi dy kova me ujë. Më vonë, ata thanë se nuk ishte mirë. Ata e thirrën një pastrues të veçantë. Policia nuk donte të tregonte se përse u nevojitej uji. Unë jetoj këtu qe 40 vjet dhe nuk kam parë kurrë që ka ndodhur diçka si kjo ngjarje”.
Sipas mediave zviceriane shumë persona janë mbledhur në vendin ku u vra fëmija duke çuar lule dhe duke i bërë nderimet e fundit.
Në qytet është përhapur panik dhe njerëzit ndihen të frikësuar.
Që pas kësaj ngjarje prindërit kanë filluar të shoqërojnë vetë fëmijët në shkollë dhe pse është shumë afër. Një nënë shprehet: “Ishin shumë të frikësuar, prandaj shkova me ta”
Mediat raportojnë që fëmijët ndihen të frikësuar se mund t’i ndodhë e njëjta gjë sepse kanë marrë vesh për ngjarjen.
